|
|
|||||||||||||
Tavo Burat
(Gustavo Buratti Zanchi)
22 magg 1932
-
18 dzèmber 2009
Braje mote con l'usset, la ghëtte, l'ovata a la marsin-a, tut ël drap ëd mesalan-a rossa; zilé damascà con chèina d'òss ëd miràuda e bërlòche, pandin a l'orija, parapieuva ross e verd, ansoma tapà com as dev, un bielèis as n'andasìa tut solengh vers la sità, un lùn-es matin bonora.
Pen-a virà n'orm, doa la stra bëstòsta tuta brich e sòt a passa randa 'n baciass, as treuva dnans un Vej drit, gran barba bianca e còta 'd fra, con un vërdion da pelegrin, ch'a-j ciama:
- Bondì, brav òm, anté ch'i andeve?
- I vach Biela 'l marcà.
- Oehi! Oehi! As dev disse almen «se Dio a veul», é-lo pa vera?
- Se Dio vò i vach Biela, se Dio a vò gni, i vach tutun.
Ël Vej, ch'a l'era peui 'l Pare dël cel an përson-a, nacià da cola rëspòsta da maruf, a l'ha vorsù castié 'l paisan cangiandlo ant na bestiassa ch'a fussa aussì arbotùa e, zichi zichet, l'òm a l'é dventà 'n babi.
Apress set agn e 'n mèis, ël Creator a torna a passé da lì e ant ël babi coacià ant la nita a arconòss sò rudi campagnin. La penitensa a l'era stàita longa assè: ël babi a torna òm e 'l Vej a-j ciama:
- Bondì, brav òm, anté ch'i andeve?
- I vach Biela 'l marcà, se Dio vò; e, se Dio vò gni, ël gòjo a l'é lì.
La lession a lera servìa scasi a gnente. Scasi, përchè a l'é stàit ël Pare Etern ch'a l'ha amprendù chi ch'a fussa 'l Bielèis e, brav com a l'é, an pensand che peui a l'era bele Chiel cha l'avìa falo për parèj, a l'ha lassalo 'ndé al marcà...
16a FESTA DËL SOL ËD J'ALP dedicà a Tavo Burat
dal 27 maggio al 2 giugno 2010 a Borriana (BI)
|
Sito pubblicato l'8 Aprile 2003, ultima modifica 20 luglio 2010
Sito ottimizzato per visualizzazione in formato 1024 x 768
Associassion coltural piemontèisa - rua D.Nelson 14 - BORIAN-A (BI) - PIEMONT
tel.r.a.: 015 446116 -- telecopior : 015 8970289 -- e-mail : info@solalp.it